Qida yağlarının istehsalı artıb

Bu ilin yanvar-iyun aylarında ölkədə 13,8 min ton kərə, 25,7 min ton marqarin, 21,2 min ton duru bitki yağları istehsal edilib.

Dövlət Statistika Komitəsinin hesabatına əsasən, ötən ilin eyni dövrünün göstəricisinə nisbətdə kərə yağının istehsalı 2,7 faiz, marqarinin istehsalı 2,6 faiz, duru bitki yağlarının istehsal həcmi isə 22,6 faiz artıb.

İyul ayının 1-nə hazır məhsul ehtiyatı belə olub: 49,2 ton kərə, 7,6 min ton marqarin, 4,9 min tondan çox duru bitki yağları.