İqlim siyasətində dəmir yolları

COP29 qlobal iqlim sammiti çərçivəsində ADY-nin təşəbbüsü ilə 20 noyabr tarixində “Nəqliyyat dəhlizləri ilə dayanıqlı gələcəyə doğru: “İqlim siyasətində dəmir yolları” adlı tədbir keçiriləcək.

Tədbirdə müzakirələrin əsas mövzusu iqlim dəyişikliyinə qarşı mübarizədə Azərbaycanın dayanıqlı nəqliyyat vasitəsilə töhfələri, xüsusilə karbon emissiyalarını azaltmaqda dəmir yollarının mühüm rolu təşkil edəcək.

Bundan əlavə, dəmir yollarının dekarbonizasiyada əsas oyunçulardan biri olduğu multimodal və inteqrasiya olunmuş nəqliyyat sisteminin yaradılması üçün Azərbaycanın gördüyü işlər təqdim olunacaq.