Sahibkarlar “Saudi Food Show 2025” sərgisinə dəvət olunur
Azərbaycan Respublikası İqtisadiyyat Nazirliyi Səudiyyə Ərəbistanı Krallığının Ər-Riyad şəhərində 2025-ci ilin 12-14 may tarixlərində keçiriləcək “Saudi Food Show 2025” sərgisində vahid ölkə stendində iştirak üçün ixracatçıların müraciətlərinin qəbulunu elan edir.
Vahid ölkə stendində iştirak edəcək ixracatçıların maksimum sayı: 25 şirkət.
İştirakçılar müsabiqə əsasında seçiləcəkdir.
Sərginin əhatə etdiyi sahələr (məhsullar): Qida və spirtsiz içkilər
| XİFMN üzrə məhsulun kodu | Məhsulun adı |
| 0201 | iribuynuzlu heyvan əti, təzə və ya soyudulmuş |
| 0202 | iribuynuzlu heyvan əti, dondurulmuş |
| 0204 | qoyun əti və ya keçi əti, təzə, soyudulmuş və ya dondurulmuş |
| 0207 | 0105 mal mövqeyində göstərilən ev quşlarının əti və ət əlavələri, təzə,soyudulmuş və ya dondurulmuş |
| 0210 | ət və qidaya yararlı ət əlavələri, duzlu, duzlu suda olan, qurudulmuş və ya hisə verilmiş |
| 04 | süd məhsulları; quş yumurtası; təbii bal, başqa yerdə adı çəkilməyən və təsnif olmayan heyvan mənşəli ərzaq məhsulları |
| 07 | tərəvəz və bəzi yeməli meyvəköklülər və kök yumruları |
| 08 | yeməli meyvələr və qoz-fındıq; sitrus meyvələrinin qabıqları və ya qovun qabıqcıqları |
| 0902300000 | qara çay (fermentləşdirilmiş) və ya qismən fermentləşdirilmiş, 3 kq-dan çox çəkisi olmayan ilkin bağlamalarda |
| 0906-0910 | müxtəlif ədviyyatlar |
| 15 | heyvan və ya bitki mənşəli piylər və yağlar və onların parçalanması nəticəsində alınan məhsullar, hazır yeyinti piyləri heyvan və bitki mənşəli mumlar |
| 160100 | ətdən, ət əlavələrindən və ya qandan hazırlanan kolbasalar və analoji məhsullar; onların əsasında hazırlanan hazır qida məhsulları |
| 1602 | ətdən, ət əlavələrindən və ya qandan hazırlanan hazır və ya konservləşdirilmiş digər məhsullar |
| 1604 | hazır və ya konservləşdirilən balıq; nərə balığı kürüsü və onun balıq kürüsü dənəciklərindən hazırlanmış əvəzediciləri |
| 17 | şəkər və şəkərdən hazırlanan qənnadı məmulatları |
| 18 | kakao və ondan hazırlanan məhsullar |
| 19 | taxıldan, undan, nişastadan və ya süddən alınan hazır məhsular un qənnadı məhsulları |
| 20 | tərəvəzlərin, meyvələrin, qoz-fındığın və ya bitkilərin digər hissələrinin emal məhsulları |
| 2103 | sousların hazırlanması üçün məhsullar və hazır souslar; dad əlavələri və qarışıq ədviyyatlar; xardal tozu və hazır xardal |
| 210500 | dondurma və digər yeyinti buz növləri, tərkibində kakao olan və ya olmayan |
| 2201 | sular, təbii və ya süni mineral, qazlı sular daxil olmaqla, şəkər və ya digər şirinləşdirici və ya dad-aromatik maddələr əlavə edilməyən; buz və qar |
| 2202 | sular, mineral və qazlı sular daxil olmaqla, şəkər və ya digər şirinləşdirici və ya dad-aromatik maddələr əlavə edilən və başqa spirtsiz içkilər |
Müsabiqənin təşkilatçısı: İqtisadiyyat Nazirliyi – Azərbaycan Respublikasının İxracın və İnvestisiyaların Təşviqi Agentliyi – AZPROMO.
Müsabiqə Azərbaycan Respublikası Nazirlər Kabinetinin 2018-ci il 31 oktyabr tarixli 470 nömrəli Qərarı ilə təsdiq edilmiş “Dəstək tədbirlərində iştirak edəcək ixracatçıların seçilməsi üçün müsabiqənin təşkili və keçirilmə Qaydası” əsasında 17 mart 2025-ci il tarixində AZPROMO-da təşkil olunacaq.
Seçim meyarları:
- ixracatçının nümayiş olunacaq məhsulları üzrə istehsal potensialı – 10 bal;
- nümayiş olunacaq məhsulların hədəf ölkəyə ixrac potensialı – 10 bal;
- sahibkarın əvvəllər ixrac təcrübəsinin olub-olmaması (ixrac etdiyi məhsullarının miqdarını göstərməklə) – 5 bal;
- Meyarların cəmi üzrə minimum keçid balı: 20 (iyirmi) bal.
Vahid ölkə stendində iştirak etmək üçün AZPROMO-ya aşağıdakı sənədlər təqdim edilməlidir:
Ərizə;
dəstək tədbirində iştirakla bağlı Şərtlər;
– sahibkarın istehsal və ixrac potensialı və əvvəllər ixrac təcrübəsinin olmasına dair sənədlər və ya məlumatlar;
– son birillik dövriyyə və vergi borcu barədə vergi orqanından alınmış arayış və ya arayışlar;
– bank hesabından çıxarış (ərizənin təqdim olunduğu əvvəlki 365 gün ərzində həyata keçirilmiş əməliyyatlar göstərilməklə);
Sənədlər aşağıdakı ünvan üzrə 7 mart 2025-ci il tarixinədək təqdim olunmalıdır: Azərbaycan Respublikasının İxracın və İnvestisiyaların Təşviqi Agentliyi – AZPROMO, Bakı Biznes Mərkəzi, Neftçilər pr. 32, Bakı, AZ1000.
Əlavə məlumat üçün:
Kənan Müzəffərli
AZPROMO – İxracın təşviqi departamentinin baş mütəxəssisi
Tel: (+994 12) 5980147/48 (daxili 3630)
E-mail: kanan.muzaffarli@azpromo.gov.az
