AZAL Təbrizə birbaşa uçuşlar açır və Tehran istiqamətində reyslərin sayını artırır

3 iyun 2025-cü il, Bakı – Azərbaycanın milli aviadaşıyıcısı AZAL marşrut şəbəkəsini genişləndirərək 15 iyun tarixindən etibarən Bakı–Təbriz–Bakı marşrutu üzrə reyslərə başlayacaq. Biletlər bu gün ərzində artıq satışa çıxarılacaq.

Bu istiqamət üzrə uçuşlar həftədə iki dəfə – çərşənbə və bazar günləri yerinə yetiriləcək.

Təbriz qədim tarixi, memarlıq abidələri, muzeyləri və zəngin mədəni irsi ilə tanınır. Bakı–Təbriz–Bakı marşrutunun açılması Azərbaycan və İran arasında səyahət imkanlarını genişləndirir, mədəni və iqtisadi əlaqələrin inkişafına şərait yaradır.

Qeyd edək ki, AZAL eyni zamanda İranın paytaxtı Tehran şəhərinə də müntəzəm reyslərin sayını artırır. Bakı–Tehran–Bakı marşrutu üzrə uçuşlar həftədə dörd dəfə – bazar ertəsi, cümə axşamı, cümə və şənbə günləri yerinə yetiriləcək.

Aviabiletləri rəsmi www.azal.az saytından, aviaşirkətin mobil tətbiqindən, həmçinin AZAL-ın kassalarından və akkreditə olunmuş agentliklərdən əldə etmək olar.

Əlaqədar məqalələr
Nəqliyyat / Logistika

ADY: İranda Astara Terminalında görülən işlər müzakirə olunub

ADY Şimal-Cənub dəhlizinin inkişafına önəm verir: İranda Astara Terminalında görülən…
►►►
Nəqliyyat / Logistika

Azərbaycan və Pakistanın dəmiryol qurumları arasında əməkdaşlıq

Azərbaycan və Pakistanın dəmiryol qurumları arasında əməkdaşlıq imkanları müzakirə…
►►►
Nəqliyyat / Logistika

“Azərbaycan Dəmir Yolları – 145 illik inkişaf yolu” mövzusunda keçirilən....

“Azərbaycan Dəmir Yolları – 145 illik inkişaf yolu” mövzusunda keçirilən media…
►►►