SONY pleyerlərini su dolu şüşələrə qoyaraq satdı

2014-cü ildə Yaponiyanın texnologiya nəhəngi SONY, qablaşdırma kimi su ilə dolu şəffaf şüşələrdən istifadə edərək, Yeni Zelandiyada suya davamlı SONY W Series Walkman MP3 pleyerləri satmağa başladı. Bəli, pleyerlər qulaqcıqlarla bahəm su şüşələrinə yerləşdirilərək sərinləşdirici içkilər ilə birlikdə avtomatlarda satılırdı. Avtomatların özləri üzgüçülük hovuzları və idman zalları olan idman obyektlərində quraşdırılmışdı.