KOBİA sədri Səudiyyə Ərəbistanının investisiya nazirinin müavini ilə görüşüb

KOBİA və Səudiyyə Ərəbistanının investisiya nazirinin müavini arasında keçirilmiş görüşdə gələcək əməkdaşlıq, Səudiyyə Ərəbistanı-Azərbaycan Birgə İşgüzar Şurasının rolunun gücləndirilməsi və investisiyaların təşviqində KOB-ların rolu müzakirə edilib. 

Ər-Riyad şəhərində Kiçik və Orta Biznesin İnkişafı Agentliyinin (KOBİA) İdarə Heyətinin sədri Orxan Məmmədov Səudiyyə Ərəbistanının investisiya nazirinin müavini Məhəmməd Əl-Hasnah və Səudiyyə Ərəbistanı – Azərbaycan Birgə İşgüzar Şurasının həmsədri Əhməd Əli Əl Dakhil ilə görüşüb. 

Görüşdə gələcək əməkdaşlıq istiqamətlərinə, hər iki ölkənin işgüzar dairələri arasında əlaqələrin genişləndirilməsi üçün Səudiyyə Ərəbistanı-Azərbaycan Birgə İşgüzar Şurasının rolunun gücləndirilməsinə və qarşılıqlı olaraq investisiyaların təşviqində KOB-ların roluna dair fikir mübadiləsi aparılıb.