NEQSOL Holding əməkdaşları üçün NEQSOL Smart platformasını təqdim edir
NEQSOL Holding əməkdaşları üçün interaktiv performans idarəetmə sistemi olan NEQSOL Smart platformasını təqdim edir. Platforma NEQSOL Holding-in bir hissəsi olan və Ukraynada proqram təminatı şirkəti olan IT Smart Flex tərəfindən hazırlanıb.
Platforma menecerləri və işçiləri SMART məqsədləri müəyyən etməyə və qiymətləndirməyə, eləcə də şirkətin idarəetmə panelində təşkilati məqsədlərə nəzarət etməyə təşviq edir.
NEQSOL Smart hədəflərin dəqiq ölçülməsinə və real vaxt rejimində rəy bildirməyə imkan verən performansın idarə edilməsinə strukturlaşdırılmış yanaşma təqdim edir.
“NEQSOL Smart platforması NEQSOL Holding-in insan kapitalının idarə edilməsində texnoloji irəliləyişləri təbliğ edir. Platforma əməkdaşlarımızı SMART məqsədləri müəyyən etməyə və onları şirkət məqsədlərinə uyğunlaşdırmağa təşviq edir. İşçilərin Şirkətin İdarəetmə Panelini izləyə bildiyi bu platforma bütün komandanın səylərini ümumi məqsədlərə doğru birləşdirir”, – NEQSOL Holding-in İnsan Kapitalı üzrə Baş Direktoru Meriç Tunç belə deyib.
Platforma NEQSOL Holding-ə daxil olan şirkətlərinin rəhbərləri və holdinqin əməkdaşları tərəfindən istifadə olunur.
NEQSOL Holding 9 ölkədə enerji, telekommunikasiya, yüksək texnologiyalar və tikinti sahələrində fəaliyyət göstərən beynəlxalq şirkətlər qrupudur.
