Rumıniyanın Ticarət və Sənaye Palatası ilə görüş keçirilib
Rumıniyanın Ticarət və Sənaye Palatası ilə görüşdə ölkələrimizin KOB subyektləri arasında əlaqələrin genişləndirilməsi üçün görülməli işlər müzakirə edilib.
Rumıniyaya səfər çərçivəsində Kiçik və Orta Biznesin İnkişafı Agentliyinin (KOBİA) İdarə Heyətinin sədri Orxan Məmmədov bu ölkənin Ticarət və Sənaye Palatasının prezidenti Mihai Daraban ilə görüşüb.
Görüşdə iki ölkənin KOB subyektləri arasında əlaqələrin genişləndirilməsi potensialı, qarşılıqlı biznes missiyaların təşkili və birgə əməkdaşlıq təşəbbüslərinə dair fikir mübadiləsi aparılıb.
