Rusiyalı turistlər Azərbaycana səyahətə böyük maraq göstərirlər

Rusiya turoperatorları Azərbaycana səyahətə yüksək marağın olduğunu qeyd ediblər.

“Russian Ekspress” şirkətinin reklam və PR departamentinin direktoru Anna Filatovskayanın sözlərinə görə, bu il Azərbaycana olan səfərlərə ciddi tələbat var və “turistlər bu istiqamət üçün darıxırlar”.

O əlavə edib ki, ekskursiya və çimərlik turları, MICE (Meetings, Incentives, Conferences, Exhibitions) proqramları, tədbirlərə səfərlər turistlər arasında populyardır.