İmtahanda iştirak etmək üçün magistraturaya ərizələrin qəbulu başa çatıb.

Qəbul imtahanında iştirak etmək üçün bakalavrların ərizələrinin qəbulu internet vasitəsi ilə aparılıb. İmtahanda iştirak etməkdən ötrü ərizələrin qəbulu dünən saat 23:59-dək davam edib.

29 yanvar saat 14:30-a olan məlumata əsasən 18097 bakalavr ərizəsini təsdiq edib (Azərbaycan bölməsi – 16693; rus bölməsi – 1404).

Sənəd qəbulunda iştirak etmək istəyənlər (şəxsi kabineti olmayanlar) ekabinet.dim.gov.az səhifəsində “Şəxsi kabinet” yaratdıqdan sonra ərizə vermək üçün tələb olunan məbləği “Şəxsi kabinet”indəki hesabına əlavə ediblər.

Bakalavrlar “Şəxsi kabinet”inin istifadəçi adı və parolundan istifadə etməklə “Bakalavrın elektron ərizəsi” formasını doldurub və təsdiq ediblər.

Qeyd edək ki, imtahan 2024-cü il fevralın 11-də keçiriləcək.