AZAL yenidən “Mərkəzi Asiya və MDB üzrə ən yaxşı regional aviaşirkət” oldu

Azərbaycanın milli aviadaşıyıcısı AZAL beynəlxalq “Skytrax World Airline Awards 2024” mükafatının “Mərkəzi Asiya və MDB üzrə ən yaxşı regional aviaşirkət” nominasiyasında növbəti dəfə qalib gələrək yüksək statusunu yenidən təsdiqləyib.

“Skytrax” agentliyinin mükafat mərasimi bu gün, iyunun 24-də Londonda keçirilən təntənəli tədbir çərçivəsində baş tutub.

Bu mühüm nailiyyət “Azərbaycan Hava Yolları” aviaşirkətinin göstərdiyi xidmətlərin yüksək səviyyədə olduğunu təsdiq edir və onu dünya aviasiya bazarının tanınmış liderləri ilə bir sıraya qoyur.