Dünyaca məşhur müğənni Riki Martin Bakıda konsert verib

2 avqust dünyaca məşhur müğənni Riki Martin Bakıda konsert verib.

“İticket production”ın və “Dream Events”in təşkilatçılığı ilə baş tutan tədbirdə 10 minə yaxın insan iştirak edib.

Gecədə Riki Martin ən sevimli hitlərini  səsləndirib: “Disparo Al Corazon”, “Drop It On Me” , “Tal Vez”, “Maria”, “The Cup of Life”, “Adrenalina”, “Nobody Wants to Be Lonely”, “Livin’ la Vida Loca”.

Konsertə gələnlər sırasında sənətçilər də olub.

Tanınmış müğənni  dinləyiciləri azərbaycanca salamlayıb: “Salam, necəsiniz?”

Rəqqasları ilə şou göstərən Riki tədbir zamanı bir neçə libas dəyişib.

Gecə möhtəşəm atəşfəşanlığla bitib.