4SİM və “Binance” əməkdaşlıq məsələlərini müzakirə ediblər

İqtisadiyyat Nazirliyinin tabeliyində Dördüncü Sənaye İnqilabının Təhlili və Koordinasiya Mərkəzinin icraçı direktoru Fariz Cəfərov “Binance” şirkətinin Baş marketinq direktoru Reyçel Konlanın rəhbərlik etdiyi nümayəndə heyətini qəbul edib.

Görüşdə rəqəmsal iqtisadiyyatın inkişafı istiqamətində 4SİM-in fəaliyyəti və həyata keçirdiyi layihələr barədə məlumat verilib. Tərəflər mümkün əməkdaşlıq, o cümlədən, universitetlər, təhsil müəssisələri və ekosistemin iştrakçıları ilə koordinasiya, milli iqtisadiyyatda blokçeyn texnologiyalarının tətbiqi və birgə tədbirlərin təşkili məsələlərini müzakirə ediblər.