AZPROMO və ITC arasında görüş keçirilib

Görüşdə yaşıl iqtisadiyyatın inkişafı, iqlim maliyyəsi, həmçinin kiçik və orta sahibkarlıq subyektlərinin dayanıqlı inkişaf proseslərinə inteqrasiyası kimi mühüm məsələlər vurğulanıb.

İxracın və İnvestisiyaların Təşviqi Agentliyi – AZPROMO və Beynəlxalq Ticarət Mərkəzi (ITC) arasında görüş baş tutub. Görüş zamanı tərəflər COP29 çərçivəsində həyata keçirilməsi planlaşdırılan birgə təşəbbüslər və tərəfdaşlıq imkanları barədə fikir mübadiləsi aparıb.

AZPROMO tərəfindən COP29 çərçivəsində iqlim dəyişikliyi ilə mübarizədə dayanıqlı inkişafı təşviq etmək məqsədi ilə planlaşdırılan layihələr diqqətə çatdırılıb, görülən işlərin davamlılığını təmin edilməsi və Azərbaycan iqtisadiyyatının yaşıl inkişafına töhfə vermək üçün birgə fəaliyyətin genişləndirilməsi müzakirə edilib.