“Bu şəhərdə”nin “Plastik əməliyyat” adlı konserti baş tutdu
22 və 23 fevral “Bu şəhərdə” “Plastik əməliyyat” adlı konsert proqramı ilə Heydər Əliyev Sarayının səhnəsində çıxış etdi.
Aparıcılığını Saleh Bağırov etdiyi gecəni izləməyə gələnlər arasında incəsənət aləminin tanınmış simaları, məşhur idmançılar, ictimai xadimlər, şəhid ailələri var idi.
Respublikanın Əməkdar Artistləri Rafael İsgəndərov və Coşqun Rəhimov bir-birindən maraqlı səhnəciklər nümayiş etdiriblər. Onların arasında –” Plastik əməliyyat” səhnəciyi, qaynata və kürəkən, gəlin və qaynana mövzusuna həsr olunmuş
“Qaynatanın vəsiyyəti” , “Quymaq” səhnəcikləri.
Gənc istedadlı müğənni Çinarə Məlikzadənin və Zəminə Rəhimovanın, meyxanaçı Balalinin və ”Abidance show” rəqs qrupun çıxışları gecəyə xüsusi rəng qatdı.
Konsertin sonunda Rafael İsgəndərov ənənəyə sadiq qalaraq Sirtuş Çölçəmənli obrazını canlandırdı.
“Bu şəhərdə”nin “ Plastik əməliyyat” adlı konserti böyük anşlaqla keçdi.
10 və 11 may Heydər Əliyev sarayın səhnəsində ” Bu şəhərdə”nin növbəti ” Saz” adlı konsert proqramı keçiriləcək. Biletlər artıq satışda!
