“Samsung Galaxy S25 Edge” və “iPhone 17 Air”
“Samsung”un ən incə modeli olan “Galaxy S25 Edge”in rəsmi təqdimat tarixi 16 aprel olaraq açıqlanıb. Bu tarix qlobal təqdimat üçün nəzərdə tutulsa da, bəzi bölgələrdə fərqli ola bilər. Yeni smartfon ilkin olaraq ön sifarişə açılacaq və satışa çıxması may ayına qədər uzana bilər. Cihazın 6,6 düymlük AMOLED ekran, 12 GB RAM və Snapdragon 8 Elite prosessoru ilə gələcəyi gözlənilir.
“iPhone 17 Air”in batareya xüsusiyyətləri ortaya çıxdı!
“Apple”ın sentyabrda təqdim etməsi gözlənilən “iPhone 17 Air” modeli ilə bağlı yeni məlumatlar sızdırılıb. İddiaya görə, ultra nazik dizayna malik olmasına baxmayaraq, cihazda yüksək sıxlığa sahib batareya hüceyrələri istifadə ediləcək. Bu texnologiyanın “Apple”ın üzərində işlədiyi qatlanan “iPhone” modelində də yer alacağı bildirilir.
