Nizami Kino Mərkəzində “Bəlkə də…”!

Aktyor, rejissor və ssenarist Taleh Yüzbəyovun müəllifliyi ilə ərsəyə gətirilən “Bəlkə də…” filmi  Nizami Kino Mərkəzində nümayiş olunur.

Elmi-fantastik, mistik və tragikomediya janrlarında çəkilən ekran işi şəxsi itkilər və zamanla bağlı peşmanlıqları əks etdirir.
Rolları  Taleh Yüzbəyov, İranə Kərimova, Günay Əhməd, Nurlan Rüstəmov, Əli Əlizadə, Azər Aydəmir, Kamran Ağabalayev və Əlixan Rəcəbov canlandırır.

“Bəlkə də…” – yaxınlarını itirmiş iki insanın qəfil tanışlığı və zaman maşını ilə keçmişə qayıtmaq arzusu üzərində qurulan elmi-fantastik hekayədir. İxtiraçı atasına verdiyi sözü, Mələk isə nişanlısını xilas etmək istəyir. Amma zaman maşınını hazırlamağa yaxın olduqca, onları gözlənilməz hadisələr və o dünyadan gələn ruhlar narahat etməyə başlayır. Və əsl çətinlik bundan sonra başlayır…