AZPROMO və UKEF arasında memorandum imzalanıb
Memorandum çərçivəsində işgüzar əlaqələrin inkişaf etdirilməsi və investisiya layihələrinin dəstəklənməsi stimullaşdırılacaq.
Londonda keçirilən Azərbaycan Respublikası Hökuməti ilə Böyük Britaniya və Şimali İrlandiya Birləşmiş Krallığının Hökuməti arasında iqtisadi əməkdaşlıq üzrə Birgə Hökumətlərarası Komissiyanın 7-ci iclası çərçivəsində İxracın və İnvestisiyaların Təşviqi Agentliyi – AZPROMO və Birləşmiş Krallığın İxrac Kredit Agentliyi (“UK Export Finance” – UKEF) arasında qarşılıqlı əməkdaşlığın genişləndirilməsinə dair Anlaşma Memorandumu imzalanıb.
Sənədi AZPROMO-nun icraçı direktoru Yusif Abdullayev və UKEF-in biznesin inkişafı üzrə qlobal rəhbəri Vomic Nur Şah imzalayıblar. Memorandum işgüzar əlaqələrin inkişaf etdirilməsi və investisiya layihələrinin dəstəklənməsi kimi istiqamətlərdə fəaliyyətlərin stimullaşdırılmasını nəzərdə tutur.
