Kalben Bakıda konsert proqramı ilə çıxış etdi
Türk alternativ musiqisinin ən xüsusi səslərindən olan Kalben “Event Office”in təşkilatçılığı ilə Bakıda möhtəşəm konsert proqramı ilə çıxış etdi.
Ürəkdən gələn sözləri və təsirli melodiyaları ilə qəlbləri oxşayan sənətçi 14 May tarixində Heydər Əliyev Sarayında Azərbaycanlı musiqisevərlərin görüşünə gəldi.
Kalben Sağdıç – türk musiqiçisi, söz yazarı və qadın hüquqlarının müdafiəçisidir.
Onun musiqiyə marağı hələ uşaqlıqda, 8 yaşında oyanıb, ilk gitarasını isə o özünə 14 yaşında alıb. Səhnə adını daşıyan ilk albomu “Kalben” 2016-cı işıq üzü gördü.
Kalben Bakı pərəstişkarlarını salamlayıb:
“Sizlərlə bərabər olduğum üçün çox xoşbəxtəm. Mən sizi sevirirəm. Bakıda ikinci konsertimdi. Burada mənimlə olduğunuz üçün sizə çox təşəkkür edirəm”.
Tanınmış ifaçı səmimi və dərin mahnıları ilə dinləyicilərini duyğulu səyahətə aparıb.
Kalben “Sadece”, “Yara”, “Saçlar”, “İçimde Sen” və bir çox dillər əzbəri olan mahnılarını səsləndirib.
Gecədə böyük alqışla qarşınan məqam isə Kalbenin Polad Bülbüloğlunun
“Gəl ey səhər” mahnısının ifa etməsi olub.
Konsert böyük anşlaqla keçib. Bu özəl gecədə Kalben Azərbaycan tamaşaçılarına unikal musiqi ziyafəti təqdim edib.
Günel Həsənova
