“Kolpa” Bakıda konsert proqramı ilə çıxış edib
Türkiyənin məşhur və uğurlu rok musiqi qruplarından biri olan “Kolpa” Hayal Kahvesində konsert proqramı ilə çıxış edib.
Konsertin təşkilatçısı – Event Office.
“Bakını çox sevirik. Burda dəfələrlə konsert vermişik. Təşəkkürlər gəldiyiniz üçün”, qrupun üzvü Barış Yurtçu pərəstişkarlarını salamlayıb.
Gecədə “Kolpa” hit mahnılarını bir-birinin ardınca ifa edib. Onların arasında – “Beni Aşka İnandır”, “Son Nefesim”, “Hiç bitmez Bu Masal”, “Gürur Benim Neyime”, “Nasıl Öğrendin Unutmayı” və s.
Konsertin unudulmaz anlardan biri isə Barış Yurtçu ilə tanlnmış azərbaycan müğənnisi Mərdan Kəzimovun dueti oldu.
Gecənin qonaqları sevimli musiqi sədaları altında bolluca rəqslər edərək mahnıları birgə səsləndiriblər.
24 May axşamı KOLPA konsertinə gələnlər üçün unudulmaz və əyləncəli bir gecə oldu.
Günel Həsənova
