Elşad Xose hesabat konserti verib

Reper Elşad Xose 18 il sonra hesabat konserti verib. Sənətçi Heydər Əliyev Sarayında “Manifest” adlı konsert proqramı ilə çıxış edib. 

Konsertin təşkilatçısı- AzKonsert.

Elşad gecədə tamaşaçılarına təşəkkür edib: “İllər ərzində bizə dəstək oldunuz, birgə olduz, birgə addımladınız. Sizə minnətdaram”. 

2000-ci illərdən bu günə qədər yadda qalan və sevilən hitlərini səsləndirən Elşadın konserti maraqlı anlarla yadda qalıb. 

Həmçinin o, Fərqanə Qasımova, Mir Yusif, Samirə Efendi, Mehin Hümbətova və Samirə Əliməryəmlə duet səsləndirib.