Nomade Black & White

26 avqust saat 17:00-da Azərbaycan Rəssamlar İttifaqının Vaciya Səmədova adına sərgi salonunda (Xəqani küç. 19) Batuxan Baymenin NOMADE BLACK & WHITE sərgisinin təntənəli açılışı oldu. Sərginin açılışında Qazaxıstanın Azərbaycandakı səfiri Alim Bayel, Azərbaycanın mədəniyyət nazirinin müavini Səadət Yusifova və Azərbaycan Rəssamlar İttifaqının sədri Fərhad Xəlilov iştirak ediblər.

Batuxan Baymen Qazaxıstanın ən məşhur müasir qrafika rəssamlarından biridir, onun əsərləri öz miqyası, düşüncə dərinliyi və özünəməxsus çöl rəngi ilə seçilir. Müasir təsviri sənətdə yeni cərəyanlara sadiq qalaraq, o, yaradıcılığında əcdadlarının köçəri mədəniyyətinin əvəzsiz irsindən ilham alır. Əsərləri qədim türklərin tarixini, nomadlar dünyasını əks etdirir.

Sərgidə təqdim olunan əsərlər öz miqyası və ifadəsi ilə heyran qalır. Batuxan Baymenin əsərlərinin özünəməxsus quruluşu metaforik, simvolik və alleqorik süjetlərlə doludur. Hər bir rəsm kompozisiya quruluşuna görə harmonikdir, çox mənalıdır, xalqın ruhunu ifadə edir. Rəssam türk xalqlarının ortaq fəlsəfəsini tədqiq və təhlil edərək qrafika əsərlərində tez-tez Abay Kunanbayev, Çingiz Aytmatovun, Əlişir Nəvainin əsərlərindən motivlərdən istifadə edir.

Sərgi sentyabrın 15-dək davam edəcək. Giriş pulsuzdur.