Bakı Limanında beynəlxalq əhəmiyyətli təlim keçirilir

AZCON Holding şirkətlərindən olan “Azərbaycan Dəmir Yolları” QSC-nin Bakı Beynəlxalq Dəniz Limanında Ümumdünya Gömrük Təşkilatı (ÜGT) və BMT-nin Narkotiklər və Cinayətkarlıq üzrə İdarəsinin birgə proqramı çərçivəsində təlim keçirilir. 

27-29 avqust 2025-ci il tarixlərində baş tutan təlim Sərnişin və Yüklərə Nəzarət Proqramı (PCCP) üzrə əməkdaşlığın gücləndirilməsinə həsr olunub. Təlimin əsas məqsədi Azərbaycan və Türkmənistanın gömrük liman nəzarət qrupları arasında qarşılıqlı əlaqələrin inkişaf etdirilməsidir.

Azərbaycan Dövlət Gömrük Komitəsi və Türkmənistan Dövlət Gömrük Xidmətinin əməkdaşları, ÜGT ekspertləri və PCCP koordinatorlarının iştirakı ilə keçirilən təlimdə gömrük və sərhəd nəzarəti sahəsində qabaqcıl təcrübələrin mübadiləsi nəzərdə tutulur. Eyni zamanda, iştirakçılar Bakı Limanının müasir infrastruktur imkanları ilə tanış olurlar.

Bu tədbir regional ticarətin təhlükəsizliyi və səmərəliliyinin artırılmasına mühüm töhfə verəcək.

Qeyd edək ki, Bakı Limanı mütəmadi olaraq beynəlxalq əməkdaşlığı gücləndirir və regionun əsas logistika mərkəzi rolunu möhkəmləndirir.