Dövlət satınalmalarında orta iştirakçı sayı 6 faizədək artıb
Bu ilin yanvar-iyul ayları ərzində açılışı baş tutan satınalmalar üzrə orta iştirakçı sayı açıq tender metodu üzrə 3,8, kotirovka sorğusu metodu üzrə 3,6 olmaqla, ümumilikdə 3,7 təşkil edib.
Antiinhisar və İstehlak Bazarına Nəzarət Dövlət Agentliyinin məlumatına görə, ötən ilin müvafiq dövrü ilə müqayisədə açılışı baş tutan satınalmalarda orta iştirakçı sayı üzrə ümumilikdə 5,7 faiz artım qeydə alınıb.
Dövlət satınalmalarında orta iştirakçı sayının artması satınalmalarda rəqabətliliyin və bazarda təchizatçı fəallığının göstəricisidir. Orta iştirakçı sayı müvafiq dövr ərzində təklif verən bütün təchizatçıların sayının açılışı baş tutan bütün satınalmalara nisbəti ilə müəyyən edilir.
