Gripin qrupu Bakıda konsert proqramı ilə çıxış etdi

Türkiyənin məşhur “Gripin” qrupu 26 oktyabr tarixində Bakıdakı Heydər Əliyev Sarayında möhtəşəm konsert proqramı ilə çıxış edib.

Konsert Event Office təşkilatçılığı ilə baş tutub.

Tanınmıç qrupun ifasında səslənən “Sensiz İstanbul”, “Vazgeç Gönül”, “Yalnızlığın Çaresini Bulmuşlar”, “Belki Çok da Şey Yapmamak Lazım”, “Aşk Nerden Nereye”, “Durma Yağmur Durma” kimi hit mahnılar tamaşaçılar tərəfindən böyük coşqu ilə qarşılanıb. Sevilən ifaları ilə yanaşı, Gripinin yenidən səsləndirdikləri xüsusi layihə mahnılarıda Bakı səhnəsində yer alıb.

“Gripin” üzvləri Bakıda gördükləri səmimi münasibətdən məmnun qaldıqlarını bildirərək, yenidən Azərbaycan tamaşaçıları ilə görüşmək arzusunda olduqlarını qeyd ediblər.

Günel Həsənova