Elektrik naqillərinin istehsalında artım qeydə alınıb

Bu ilin yanvar-oktyabr aylarında ölkədə 10 383 ton elektrik naqilləri istehsal edilib ki, bu da ötən ilin eyni dövrünün göstəricisi ilə müqayisədə 15,7 faiz və ya 1 407 ton çoxdur.

Dövlət Statistika Komitəsinin hesabatına əsasən, cari ilin sentyabr ayı ilə müqayisədə isə oktyabrda istehsal həcmində 16 faiz və ya 194,4 ton artım qeydə alınıb. Oktyabr ayında 1 406,8 ton elektrik naqilləri istehsal edilib.

Noyabr ayının 1-nə hazır məhsul ehtiyatı 512,7 ton təşkil edib.