Azərbaycanın qeyri-neft ixracı yanvar-noyabrda 7%-dən çox artıb

Bu ilin yanvar-noyabr aylarında Azərbaycanın qeyri-neft məhsullarının ixracının dəyəri 3,3 mlrd. ABŞ dollarını ötüb.

İxracın və İnvestisiyaların Təşviqi Agentliyinin – AZPROMO-nun məlumatına görə, 2025-ci ilin ilk 11 ayında Azərbaycanın qeyri-neft ixracı 3 317 mln. ABŞ dolları təşkil edib. Bu, ötən ilin analoji dövrü ilə müqayisədə 7,3% çoxdur.

Cari ilin təkcə noyabr ayında qeyri-neft məhsullarının ixracının dəyəri 329,2 mln. ABŞ dolları olub. Bu göstərici illik ifadədə 16,3% artıb.