Mustafa Ceceli Bakıda möhtəşəm konsert proqramı ilə çıxış edib

Türkiyənin sevilən müğənnisi Mustafa Ceceli uzun fasilədən sonra Bakıda konsert proqramı ilə çıxış edib. Mphtəşəm gecə 24 yanvar Heydər Əliyev sarayında baş tutub.

Konsertin təşkilatçısı — Star Breeze şirkəti, Metin Həsənzade və Ayxan Sefiyev.

Mustafa Ceceli pərəstişkarlarını salamlayaraq, onlara gözəl axşam arzuladı: “Bakı, sizi çox sevirəm! Öz vətənimdəyəm. Yaxşı ki varsiz! Sizlərlə bərabər olduğum üçün çox xoşbəxtəm”.

Tanınmış müğənni “Simsiyah”, “Eksik”, “Bedel”, “Gül Rengi”, “Kalpten”, “Es”, “Al Götür Beni”, “İyileşiyorum” kimi milyonların sevdiyi hit mahnılarını səsləndirdi. Azərbaycan dilində oxuduğu “Anadır Arzulara Hər Zaman Qarabağ” mahnısı hamının zövgünə oxşadı.

Mustafa Cecelinin duyğusal səsi, enerjili performansı musiqisevərlərə unudulmaz bir musiqi ziyafəti yaşatdı.

Günel Həsənova