“Komedixana”nın “Bayram Bayrama Qarışıb” solo konserti keçirildi

Maraqlı obrazları və gülməli səhnəcikləri ilə hər kəsin sevimlisinə çevrilən Komedixana komandası “Bayram Bayrama Qarışıb” adlı xüsusi proqramı ilə çıxış edib. Konsert 9 mart tarixində Heydər Əliyev Sarayında baş tutub.

Bayram ab-havası, gündəlik həyatın ən gülməli məqamları, tanış obrazlar və bitməyən zarafatlar bu gecə bir səhnədə birləşdi.

Konsertdə bir-birindən maraqlı “Мuğam müsahibəsi”, “Fokus”, “10 ildən sonra Moskvadan gələn azərbaycanlı”, “Ballı-qoz İstirahət mərkəzi” səhnəciklər təqdim olundu.

“Komedixana” — 2019-cu ildən Azərbaycanın Xəzər TV kanalında yayımlanan, tamaşaçılar tərəfindən çox sevilən  komediya verilişidi.

“Komediyaxana”da müxtəllif rollarda Ənvər Abbasov, Xəyalə Quliyeva, Mələkxanım Kazımova,  Cavidan Novruz, Zarina Qurbanova, Elgün Hüseynov, Gülzar Əşrəfova və Mənsur Şərif iştirak edirlər.

Günel Həsənova