Dövlət Vergi Xidmətinin rəis müavini Emil Qarayev vətəndaşları qəbul edib
Aprelin 10-da İqtisadiyyat Nazirliyi yanında Dövlət Vergi Xidmətinin rəis müavini Emil Qarayev Gəncə və Naftalan şəhərləri, Daşkəsən, Goranboy, Samux və Göygöl rayonları sakinlərini videoformatda qəbul edib. Qəbulda iştirak edən vətəndaşlar kameral vergi yoxlaması, vergi orqanlarına işə qəbul və kadr məsələləri ilə bağlı müraciət ediblər.
Dövlət Vergi Xidmətinin aidiyyəti struktur bölmələrinin rəhbərlərinin iştirakı ilə keçirilmiş qəbulda vətəndaşların müraciətləri dinlənilib, sorğu xarakterli müraciətlərlə bağlı vətəndaşlara əsaslandırılmış cavab və izahatlar verilib. Araşdırma tələb edən müraciətlər qanunvericiliyə uyğun tədbirlərin görülməsi üçün aidiyyəti strukturlara yönləndirilib.
