Azərbaycan Sahibkarlar Konfederasiyasında ölkəyə xarici investisiyaların cəlb edilməsi mövzusunda müzakirələr keçirilib

Bugün Azərbaycan Respublikası Sahibkarlar (İşəgötürənlər) Təşkilatları Milli Konfederasiyasının prezidenti Məmməd Musayev ilə Özəl sektorun İnkişafı üzrə UNDP İstanbul Beynəlxalq Mərkəzinin direktor müavini Gülçin Salıngan arasında görüş keçirilib.
Gülçin Salıngan, BMT-nin Əhali Fondu (UNDP) ilə birlikdə Azərbaycanda icra edilən layihə və onun komponentləri, məqsədləri barədə məlumat verib. Sonra ölkəmizdəki biznes mühiti, xarici investisiyanın cəlb edilməsi yolları və potensial sahələr üzrə fikir mübadiləsi aparılıb.