Rubrika nədir

Rubrika sözü Qədim Romada dövlət dili olan və bir çox Avropa dillərinin formalaşmasında mühim rol oynayan latın dilindən alınma sözdür.

Latınca “ruber” kimi yazılan bu sözün mənası “qırmızı” deməkdir. Qanunlarda başlıqları rubrika adlanan xüsusi qırmızı boya ilə yazdıqlarına görə qədim romalılar Mülki hüquqa da rubrika deyirdilər.

Dilimizə söz rus dilindən keçib və indiki mənası “bölmə, başlıq” deməkdir. Ən çox bu söz qəzet və jurnallarda, teleradio verililərində işlənir. Rubrika – xüsusi adı olan, kütləvi informasiya nəşrlərində və ya teleradio verilişlərində silsilə yazılardan və ya verilişlərdən ibarət müntəzəm təkrarlanan bölmədir.

mənbə: topic.az