Landmark Hoteldə Bakı Piano Festivalı çərçivəsində “Piano/Art & Wine” bədii tədbiri keçirilib

Pianoçu Elçin Məmmədovun ifası və bir qədəh “Meysəri” şərabı altında tədbir iştirakçıları kətan və keramika üzərində öz əsərlərini yaratmışlar. Rəssamlar Dadaş Məmmədov, Eldar Babazadə və Kamilə Muradovadan ibarət Arts Council Azerbaijan komandası tədbir iştirakçıları üçün ustad dərsi keçərək, onların emosiyalarını art-obyekt şəklində necə ələ almağı nümayiş etdiriblər. Həm də gecəyə xoş əlavə olan Gilabi Ceramics keramikaçıları iştirakçılara sehrli əhval-ruhiyyə və keramika dünyasına qərq olmaq, öz unikal məhsullarını yaratmaq və rəngləmək imkanı verdilər.

Tədbir parlaq keçdi və insanlar ünsiyyət və rəsm prosesindən həzz aldılar. İnsanların eyni kompozisiyanı çəkməsinə baxmayaraq, nəticə çox fərqli və hər kəs üçün maraqlıdır. Bu, fərdi qavrayış və tədbirin təşkilatçılarının yaratdığı unikal ab-hava ilə bağlıdır.

ArtsCouncil Azerbaijan 2012-ci ildən Art & Wine layihəsini həyata keçirir. Bakı Piano Festivalında o, yeni formatda – klassik musiqinin canlı ifasında göründü.

Tədbir iştirakçıları qeyri-adi təcrübə və müsbət emosiyalarla dolu yaradıcı atmosferi qeyd ediblər. Nəticə həm təşkilatçıları, həm də iştirakçıları sevindirdi – gözə xoş gələn, parlaq rənglərə boyanmış və müsbət yük daşıyan müsbət obrazlar qalereyası.

Bakı Beynəlxalq Piano Festivalı təkcə fortepiano və klaviatura virtuozlarının sehrli ifası deyil, bu, ilk növbədə, ən tələbkar musiqisevərləri ruhlandıracaq və ovsunlayacaq, canlı emosiyalar bəxş edəcək dəbdəbəli ab-havadır.