Çimərlik Futbolu üzrə U-14 Yeniyetmələr arasında 2023-cü il Azərbaycan Çempionatının qalibi elan olunub
Çimərlik Futbolu Federasiyasının təşkilatçılığı ilə 7-11 avqust tarixlərində “Su İdman Sarayı”nın ərazisindəki çimərlik futbolu meydançasında Çimərlik Futbolu üzrə U-14 Yeniyetmələr arasında 2023-cü il Azərbaycan Çempionatı keçirilib.
Çempionatın A qrupunda “Zəngəzur FK”, “Sahil FA”, “Baku Football Academy” və “AZART FK” komandaları, B qrupunda isə “Junior Kids”, “Xəzər-Buzovna”, “EFA” və “Education” komandaları qarşılaşıb.
Avqustun 7-si A qrupunda çıxış edən “Zəngəzur FK”- “Azart FK” oyunu 4:13, “Sahil FA” – “Baku Football Academy” oyunu isə 6:2 hesabı ilə nəticələnib. B qrupunda çıxış edən “Junior Kids” – “Education” oyununun hesabı 10:8, “Xəzər Buzovna” – “EFA” oyununun hesabı isə 4:2 olub.
Növbəti gün, avqustun 8-i keçirilən oyunlarda A qrupunda “Sahil FA” – “Azart FK” oyunu 2:6, “Zəngəzur FK” – “Baku Football Academy” oyunu isə 1:7 hesabı ilə nəticələnib. B qrupunda isə “Xəzər Buzovna” oyunçuları “Education” komandasını 6:3 hesabi ilə məğlub edib, “Junior Kids” – “EFA” oyunu 2:13 hesabı ilə nəticələnib.
9 avqustda A qrupunda “Baku Football Academy” – “Azart FK” oyunu 3:6, “Sahil FA” – “Zəngəzur FK” oyunu isə 9:2 hesabı ilə bitib. B qrupunda isə nəticələr belə olub: “Xəzər Buzovna”- “Junior Kids” – 7:3, “EFA” – “Education” – 14:0.
Avqustun 10-u yarımfinala çıxan “Azart FK” – “EFA” qarşıdurmasının nəticəsi 3:4, “Xəzər-Buzovna” – “Sahil FA” isə 3:4 olub. 3-cü yer uğrunda keçirilən oyunda “Azart FK” ilə “Xəzər-Buzovna” oyunu 2:1 hesabı ilə nəticələnib və “Azart FK” 3-cü yerin qalibi elan olunub.
U-14 Yeniyetmələr arasında 2023-cü il Azərbaycan Çempionatının final oyunu avqustun 11 keçirilib, oyun “EFA” komandasının 6 , “Sahil FA” komandasının isə 3 qolu ilə nəticələnib. Final mərhələsinin qalibi “EFA” komandası elan olunub.
Bundan başqa Çimərlik Futbolu Federasiyası nümayəndələrinin qərarına görə, Çimərlik Futbolu üzrə U-14 Yeniyetmələr arasında 2023-cü il Azərbaycan Çempionatının ən yaxşı oyunçu Yusif Orucəliyev (“EFA”), ən yaxşı qapıçı – Kənan Məmmədli (“Sahil FK”), 16 qol ilə fərqlənən ən məhsuldar oyunçu isə Rəvan Məmmədov (“Azart FK”) elan olunub.
