“İş Klubu 13” layihəsinə qeydiyyat başladı

Əmək və Əhalinin Sosial Müdafiəsi Nazirliyinin tabeliyində Dövlət Məşğulluq Agentliyinin Mərkəzi Karyera filialı tərəfindən keçirilən  “İş Klubu 13” layihəsinə qeydiyyat başlayıb.

Layihəyə məzunlar, işsiz və işaxtaran şəxslər müraciət edə bilərlər. İki həftə davam edəcək layihə müddətində peşəkar ekspertlər tərəfindən iştirakçılara “Karyera planlaması”, “Əmək bazarının tələbləri”, “İş məqsədlərinin təyini”, “Effektiv CV hazırlığı”, “İstək məktubunun yazılma forması”, “Müsahibəyə hazırlıq qaydaları”, “İş axtarış alətləri ilə tanışlıq”, “İş təklifinin analizi” kimi mövzular ətrafında təlimlər keçiriləcək.

Layihədə iştirak etmək üçün aşağıda qeyd edilən müraciət formasını dolduraraq qeydiyyatdan keçmək tələb olunur. Qeydiyyat mərhələsini uğurla keçən şəxslərlə elektron poçt ünvanı vasitəsilə əlaqə saxlanılacaq.

Son müraciət tarixi: 29 Avqust 2023-cü il
Layihənin başlama tarixi:  04 Sentyabr  2023-cü il
Qeydiyyat linki:  https://forms.gle/uXATWbWztjSq42AD7