Bakı Caz Festival 2023
Bakıda 6-15 oktyabr Bakı Caz Festival baş tutacaq.
Oktyabrın 6, 7 və 8-də “Un 1906” barda keçiriləcək və həm şəhər sakinlərinə, həm də onun qonaqlarına Almaniya, Türkiyə, Norveç, Avstriya heyrətamiz musiqiçilərini və azərbaycanlı ifaçılarını canlı dinləmək imkanı verəcək. Gün ərzində yarmarka ziyarətçiləri üçün ləzzətli yeməklər, 360-foto, art hissəsi, DJ GRAF musiqisinin sədaları altında rəqs etmək imkanı olacaq. Məşhur fank qrupu Jazzanova, amerikalı DJ Amir ilə birlikdə oktyabrın 7-də yarmarkada çıxış edəcək.
Sonra Bakı Caz Festivalı konsert zallarına keçəcək. Oktyabrın 9-dan 15-dək 15 ölkədən musiqiçilər, o cümlədən Gremmi mükafatına layiq görülənlər və namizədlər, ABŞ caz və rep ifaçısı Theo Crocker, arfa caz ifaçısı Edmar Castaneda və Gregoire Maret xüsusi proqramları ilə çıxış edəcəklər.
Oktyabrın 14-də Heydər Əliyev Mərkəzində braziliyalı vokalçı Mario Bakunanın konserti keçiriləcək.
2023-cü il Bakı Caz Festivalının proqramına gənc caz ifaçılarının ənənəvi I AM JAZZMAN! beynəlxalq müsabiqəsi də daxildir!. Fuad Axundovla “Jazz & Vinyl” Gremmi sahibləri ilə görüşlər, rəssam Eldar Qurbanovun “Jazz Colors” sərgisi, Abrau Dursonun şərab dequstasiyası kimi tədbirlər də proqrama daxildir.
Bu il Bakı Caz Festivalı on səkkizinci dəfə keçirilir. Festivalın
təməli 2005-ci ildə görkəmli caz musiqiçisi, Azərbaycanın əməkdar artisti Rain Sultanov tərəfindən qoyulmuşdur.
Bakı Caz Festivalı 2023 Paşa Holding, Azərbaycan Mədəniyyət Nazirliyi, Gənclər və İdman Nazirliyi, Dənizkənarı Milli Park, ABB, Türk Hava Yolları, Holcim, ADA, Goethe Institut, Institute Francians, ABŞ, Braziliya, Fransa, İtaliya, İsveç, İsveçrə, Avstriya, Norveç səfirliklərinin sponsorluğu, Risk, Abrau Durso, Kurban Said, ArtiShok, Alfaparf, Vinyl Baku, Mədəniyyət TV, Jazzdunyasi dəstəyilə təşkil olunacaq.
