“Boa Agency ASC-nin səhmlərinin abunə yazılışı üsulu ilə yerləşdirilməsi baş tutacaqdır
14 mart 2024-cü il tarixində Bakı Fond Birjasının (BFB) Listinq Komitəsinin qərarı ilə “Boa Agency” ASC-nin səhmləri Bakı Fond Birjasında standart bazar seqmentində şərti listinqə daxil edilmişdir.
Bildirmək istərdik ki, “Boa Agency” ASC-nin “Bakı Fond Birjasi” QSC-də “Qiymətli kağızların listinqə daxil olunması, listinqdə saxlanılması, delistinqi və ticarətinin təşkili qaydaları” nın 4.5-ci bəndinin tələblərinə uyğun olaraq, özünün nizamnamə kapitalını növbəti 6 ay ərzində ən azı 200.000 (iki yüz min) manata çatdırılmasını üzərinə götürür.
29 mart 2024-cü il tarixində “Boa Agency” ASC-nin ümumi dəyəri 110 000 (yüz on min) manat olan səhmlərinin abunə yazılışı üsulu ilə yerləşdirilməsi baş tutacaqdır.
Yerləşdirmə üzrə anderrayter “Unicapital İ.Ş” ASC-dir.
Səhmlərin emissiya prospektini BFB-nin internet səhifəsində “Emitentlərin profili” (https://www.bfb.az/az/emitentler) bölməsindən əldə edə bilərsiniz.
Səhmlər üzrə məlumat aşağıdakı kimidir:
| Dövlət qeydiyyat nömrəsi – İSİN | Səhmlərin növü və forması | Səhmlərin Sayı | Nominal Dəyəri | Yerləşdirmə Forması | Yerləşdirmə Tarixi | Anderrayter |
| AZ1001025407 | Adi adlı sənədsiz səhm | 110 000 (ədəd) | 1 manat | Abunə yazılışı üsulu | 29.03.2024 | “Unicapital İ.Ş” ASC |
