“SOCAR PETROLEUM” QSC tərəfindən növbəti ağacəkmə aksiyasını keçirilib

“SOCAR PETROLEUM” QSC tərəfindən “Yaşıl dünya naminə həmrəylik ili” və 20 sentyabr – Neftçilər Günü münasibətilə ağacəkmə aksiyası keçirilib.

Aksiya çərçivəsində paytaxtın Suraxanı rayonu, Dədə Qorqud qəsəbəsində QSC-nin heyəti tərəfindən 150 ədəd zeytun ağacı əkilib.

Qeyd edək ki, aksiyaların keçirilməsində məqsəd ölkədə ekologiyanın qorunması və ətraf mühitin sağlamlaşdırılmasına töhfə vermək, o cümlədən yaşıllaşdırma ənənəsini davam etdirmək, insanlar arasında ekoloji mədəniyyəti, təbiətə olan qayğı hissini təbliğ etməkdir.

Xatırladaq ki, bu, SOCAR PETROLEUM QSC tərəfindən keçirilən ilk aksiya deyil. Xüsusən son illər ərzində QSC tərəfindən mütəmadi olaraq yaşıllaşdırma tədbirləri həyata keçirilir.