Azərbaycan Dövlət Aqrar Universiteti “UI Greenmetric 2024” reytinqində ölkəmiz üzrə 8-ci, dünya üzrə isə 1077-ci yeri tutub
“Dayanıqlılıq” istiqaməti üzrə dünya universitetlərinin fəaliyyətinin qiymətləndirildiyi “UI Greenmetric 2024” reytinqində Azərbaycan ali təhsil müəssisələrinin sayı 3 dəfə artaraq 12-yə çatıb. Cari ildə Azərbaycanın 8 ali təhsil müəssisəsi ilk dəfə reytinqə daxil olub. Bunlardan biri də Azərbaycan Dövlət Aqrar Universitetidir.
ADAU “GreenMetric World University Rankings 2024” reytinqində Azərbaycanda 8-ci, dünyada isə 1077-ci yeri tutub.
Universitet ümumi 4270 xal toplayaraq aşağıdakı sahələrdə üstün nəticələr göstərib:
1. Elm və təhsil – 1275
2. Yaşıl nəqliyyat – 1010
3. Enerji və İqlim dəyişikliyi – 725
Qeyd edək ki, reytinq 95 ölkədən 1,477 universitetin davamlılıq göstəricilərini qiymətləndirir.
