Sement ixracında artım var

Bu ilin yanvar-mart aylarında ölkədən 13,1 milyon ABŞ dolları dəyərində 204,4 min tondan çox hazır və ya klinker formasında sement ixrac olunub.

Dövlət Gömrük Komitəsinin hesabatına əsasən, bu, 2024-cü ilin müvafiq dövrünün göstəricisi ilə müqayisədə dəyər ifadəsində 47,1 faiz, həcm olaraq 34,8 faiz çoxdur.

Cari ilin ilk rübündə bu məhsulların ümumi ixracda xüsusi çəkisi 0,21 faizə, qeyri-neft məhsullarının ixracında çəkisi isə 1,71 faizə bərabər olub.