İyulun 8-i və 15-də keçiriləcək hərraclara  82 nəqliyyat vasitəsi çıxarılıb

İqtisadiyyat Nazirliyi yanında Əmlak Məsələləri Dövlət Xidməti tərəfindən iyulun 8-i və 15-də hərraclar keçiriləcək. Hərraclara 82 nəqliyyat vasitəsi çıxarılıb.

Dövlət Xidmətinin məlumatına görə, iyulun 8-də keçiriləcək hərraca 27 nəqliyyat vasitəsi çıxarılıb. Avtomobillərin buraxılış tarixləri 2000-2014-cü illəri əhatə edir. Alıcılar start qiyməti 2.000 manatla 14.500 manat arasında dəyişən avtomobillərə sahib ola bilərlər.

İyulun 15-də keçiriləcək hərraca 6 lot üzrə 55 nəqliyyat vasitəsi çıxarılıb. Avtomobillərin buraxılış tarixləri 1997-2013-cü illəri əhatə edir, ilkin satış qiyməti 1.500 manatla 294.150 manat (lot üzrə qiymət) arasında dəyişir.