Ödəniş daxilolmalarında ən yüksək paya malik iqtisadi fəaliyyət sahələri açıqlanıb

2024-cü ilin ikinci rübündə ümumi ödəniş daxilolmalarında ən yüksək paya malik iqtisadi fəaliyyət sahələri dövlət idarəetməsi və müdafiə (27,9 faiz), topdan və pərakəndə ticarət (15,1 faiz) və tikinti (11,7 faiz) olub.

Azərbaycan Mərkəzi Bankının “Sahələrarası maliyyə axınlarının təhlilinə dair hesabat”ına əsasən, daxilolmalarda ötən ilin müvafiq dövrünə nəzərən artıma ən yüksək töhfə verən iqtisadi fəaliyyət sahələri isə dövlət idarəetməsi və müdafiə (1,6 milyard manat artım) və tikinti (722,8 milyon manat artım) sahələri olub.

Ən çox artım daşınmaz əmlak (+49,2 faiz), inzibati və yardımçı xidmətlər (+48,4 faiz) və peşə, elmi və texniki fəaliyyət (+33,9 faiz) sahələrində qeydə alınıb.