Beynəlxalq Xalça Festivalının rəsmi saytı istifadəyə verilib

2-4 may 2025-ci il tarixlərində İçərişəhərdə “Azərxalça” ASC və “İçərişəhər” Dövlət Tarix-Memarlıq Qoruğu İdarəsinin təşkilatçılığı, İqtisadiyyat Nazirliyi və İxracın və İnvestisiyaların Təşviqi Agentliyinin (AZPROMO) dəstəyi ilə keçiriləcək Beynəlxalq Xalça Festivalının rəsmi internet saytı istifadəyə verilib.

ASC-dən verilən məlumata görə, 3 gün davam edəcək Festivalda iştirak etmək istəyənlər bakucarpetfest.az saytından tədbir haqqında məlumat əldə etməklə yanaşı, qeydiyyatdan keçə bilərlər.

Tədbir çərçivəsində təşkil olunacaq Forum xalça sənayesinin yerli və xarici aparıcı mütəxəssislərini, dizaynerləri, istehsalçıları və tədqiqatçıları bir araya gətirəcək. Plenar sessiyalar, panel müzakirələri, B2B görüşlər və gənc alimlər üçün xüsusi sessiyalar təşkil olunacaq.

Suallarla bağlı info@bakucarpetfest.az ünvanına müraciət etmək olar.