TƏHLÜKƏSİZ LİFT VƏ ESKALATORLARIN DOĞRU ÜNVANI

Dünyanın ən rahat, modern daşıma vasitələrindən biri olan lift və eskalatorların düzgün quraşdırılmaması, onların sistemindəki kiçik nasazlıqlar böyük fəlakətlərin yaranmasına, insan ölümlərinin baş verməsinə səbəb ola bilir. Bu baxımdan lift və eskalatorların standartlara uyğun şəkildə quraşdırılması, bu işlərin görülməsi zamanı insanların təhlükəsizliyinin təmininin önə çəkilməsi olduqca vacibdir.

Dünyanın bu sahə üzrə ən məşhur şirkətlərindən biri sayılan, ABŞ-ın qabaqcıl lift şirkəti olan “OTIS”in lift və eskalatorlarından istifadə edən insan təhlükəsizliyinə təminatın verildiyinə arxayın ola bilər. Çünki onlar yüksək səviyyədə istehsal edilərək peşəkar mütəxəssislər tərəfindən tam standartlara uyğun formada quraşdırılır.

“OTIS”in liftləri artıq bütün dünya üçün təhlükəsizlik markası sayıla bilər. Hər gün dünyada 2 milyard insanın rahat və təhlükəsiz hərəkətini təmin edən, 2 milyondan çox müştəriyə xidmət göstərən “OTIS” şirkətinin məhsullarına dünyanın ən tanınmış binalarında, eyni zamanda ən böyük ticarət mərkəzlərində rast gəlmək olar. “OTIS”in Azərbaycandakı tərəfdaşı, 2004-cü ildən fəaliyyət göstərən “Bakı OTIS Lift” Qapalı Səhmdar Cəmiyyəti fəaliyyətə başladığı dövrdən indiyədək 10 minə yaxın lift və eskalator quraşdıraraq minlərlə insanın rahat hərəkət etməsini təmin edib. Azərbaycan bazarında aparıcı mövqeyə, böyük işçi qüvvəsinə malik olan “Bakı OTIS Lift”in əsas müştəriləri dövlət müəssisələridir. “OTIS“in lift və eskalatorları quraşdırılarkən başqa zavodların detallarından qətiyyən istifadə edilmir, bütün hissələr yalnız “OTIS”ə məxsus olur. Lift və eskalatorların detalları “OTIS”in dünyanın bir çox ölkələrində yaratdığı zavodlarda istehsal edilir. Bütün zavodlardakı istehsal prosesinə “OTIS”in ABŞ-dakı mərkəzi ofisi birbaşa nəzarət edir.

“OTIS”in məhsulları Avropada istehsal olunduğundan onların quraşdırılması sifarişçiyə bir qədər baha başa gəlir. Məhz bunu nəzərə alan “Bakı OTIS Lift” bütün sifarişçilərini həm keyfiyyət, həm də qiymət baxımından razı salmaq üçün törəmə şirkəti olan “Sigma” ilə də əməkdaşlıq edərək onların modellərindən istifadə etməyə üstünlük verir. Çində istehsal edilən və Asiya, Cənubi Amerika ölkələri üçün nəzərdə tutulan “Sigma” liftləri ilə “OTIS” liftləri arasında keyfiyyət baxımından fərq yoxdur. Sadəcə olaraq, Çində işçi qüvvəsi ucuz olduğundan böyük korporasiyalar özlərinin istehsal müəssisələrini buraya köçürərək malın maya dəyərini daha ucuz edir.

Azərbaycanda qiymət uyğunluğuna görə müştərilər daha çox “Sigma” modellərinə üstünlük verirlər. Belə liftlər ən çox yaşayış binalarında quraşdırılır. Şirkət binalarda təkcə sərnişin deyil, yük, qaraj liftləri də quraşdıra bilir. Yük liftləri 5 ton yükü qaldırmaq qabiliyyətinə malikdir. “Bakı OTIS Lift” hətta ev liftləri də quraşdıra bilir. Əgər kimsə şəxsi yaşayış evində 1 2 nəfərlik lift quraşdırmaq istəyirsə, bu halda onun “Bakı OTIS Lift”ə müraciət etməsi ən doğru yol olar. Liftlərin çox fərqli olan interyerlərinin, parametrlərinin “Bakı OTIS Lift” tərəfindən müəyyən edilməsi müştərilərin işini rahatlaşdırmaqla yanaşı, texniki nizamlanmanın da düzgün həyata keçirilməsində mühüm rol oynayır. Şirkətin mütəxəssisləri xüsusi cihaz vasitəsilə parametrləri özləri nizamlayır, çox fərqli olan interyerləri xüsusi kataloqlar vasitəsilə müştəriyə təqdim edirlər. Sifarişçinin xüsusi istəyi olarsa və zavod onu standartlara uyğunluq baxımından qəbul edərsə, onda lift həmin interyer əsasında istehsal edilir. “OTIS” və “Sigma” liftlərinin üstünlüyü onların təkcə təhlükəsiz və estetik baxımdan gözəl olması ilə bağlı deyil. Məhsulların keyfiyyətinə verilən 18 ay təminat bu üstünlüyü artıran səbəblərdəndir. Bu müddətdə sifarişçilərindən texniki dəstəyini əsirgəməyən “Bakı OTIS Lift” təkcə özünün deyil, başqa şirkətlərin də quraşdırdığı lift və eskalatorlara texniki xidmətini həyata keçirir. Məhsullara texniki dəstəyin göstərilməsi üçün yaranan ehtiyaca gəldikdə, bu müddət fərqli olur. Lift və eskalatorun necə istismar edilməsindən asılı olaraq, bəzən 6 ay, bəzən isə 1 il sonra texniki dəstəyin göstərilməsinə ehtiyac yaranır. Yeni quraşdırılmış lift, eskalator düzgün istismar edilmədikdə texniki dəstəyə daha tez ehtiyac yaranır.

“Bakı OTIS Lift” üçün sifarişlərin yerinə yetirilməsi zamanı əsas üstünlük verilən meyar quraşdırmanın daha asan və təhlükəsiz həyata keçirilməsidir. Şirkət lift və eskalatorların daha müasir qaydada quraşdırılması üçün mövcud olan bütün yenilikləri yaxından izləyir və onları işində tətbiq edir. Quraşdırma ilə bağlı müasir üsullar ortaya çıxan zaman bu barədə “Bakı OTIS Lift”ə zavoddan da məlumat verilir. Lift və eskalatorların quraşdırılması yalnız peşəkar kadrlara həvalə edilir. Zavodun mütəxəssisləri işçilərin yeniliklərdən xəbərdar olması, təhlükəsizlik qaydalarına əməl etməsi məqsədilə onlar üçün mütəmadi olaraq, təlimlər keçirir. Qeyd edək ki, “Sigma” liftlərinin quraşdırılma hüququ “Sigma”nın rəsmi distribütoru olan “Bakı OTIS Lift”ə məxsus olduğu halda, bazarda saxta “Sigma” liftləri də var. Lakin “Sigma Şanxay” adı ilə quraşdırılan belə liftlər nə standart, nə də keyfiyyət baxımından “Bakı OTIS Lift”in liftlərinə uyğun deyil.

Keyfiyyəti olduqca aşağı olan bu liftləri sifariş edənlər aldıqları məhsulların həqiqi deyil, saxta “Sigma” olduğunu bilməlidirlər. Saxta lift satıcıları tərəfindən aldanmamalarından ötrü sifarişçilər birbaşa “Bakı OTIS Lift”ə müraciət etməyə üstünlük verməlidirlər. Lift, eskalator quraşdırmaq niyyətində olanlar bilməlidirlər ki, müştəri məmnunluğunu təmin etməyi bacaran “Bakı OTIS Lift”ə üz tutanlar şirkətin işindən olduqca razı qalacaqlar. “Bakı OTIS Lift”in sifarişləri qısa zaman ərzində keyfiyyətlə yerinə yetirilməsi müştəri məmnunluğunu təmin edən səbəblərdəndir. Lakin əsas müsbət məqamlardan biri şirkətin bütün sifarişləri rəsmi sənədləşdirmə əsasında qəbul edib həyata keçirməsidir. “Bakı OTIS Lift”lə sifarişçi arasında imzalanmış müqavilədə sifarişin hansı keyfiyyətlə və nə zaman ərzində təhvil veriləcəyi öz əksini tapır ki, bununla şirkət üzərinə işin keyfiyyəti ilə bağlı üzərinə düşən öhdəliyi rəsmi olaraq, təsdiqləyir. Əgər liftinizin, eskalatorlarınızın daim yüksək keyfiyyətlə, təhlükəsiz şəkildə işləməsini istəyirsinizsə, o zaman ən doğru ünvana- “Bakı OTIS Lift”ə üz tutun!

“Bakı OTİS lift” QSC
OTIS və SIGMA şirkətlərinin Azərbaycandakı rəsmi distribütoru
Bakı şəh., Xətai rayonu, F.Bayramov küç., 15, AZ1025
Tel.: +994(12) 490 57 43 • Faks: +994(12) 490 57 42
Mob.: +994(55) 335 05 52
E-mail: otis_elevator@mail.ru • khalillovotis@gmail.com
Instagram: baku_otis_lift
www.otis.com • www.sigmaelevator.com

Xəyyam GÜNƏŞLİ