Azərbaycanda Qətər Dövlətinin Milli Günü qeyd olundu
Rockvell xəbər verir ki, Qətər Dövlətinin Milli Gününün qeyd olunması çərçivəsində Qətər Dövlətinin Azərbaycan Respublikasındakı Səfirliyi “Fairmont Baku” mehmanxanasında 15 dekabr 2022-ci il ziyafət keçirmişdir.
Tədbirdə Azərbaycan Respublikası hökumətini təmsil edən energetika naziri cənab Pərviz Şahbazov, bir sıra hökumət rəsmiləri, parlament üzvləri, səfirlər, ərəb ölkələrinin nümayəndələri, Azərbaycanda akkreditə olunmuş xarici diplomatik nümayəndəliklər və Birləşmiş Millətlər Təşkilatının Bakıdakı nümayəndələri ilə yanaşı, bir sıra iş adamları, jurnalistlər, akademiklər və ziyalılar da iştirak ediblər.
Qətər Dövlətinin Azərbaycan Respublikasındakı səfiri Feysal bin Abdullah Əl-Hənzab çıxış edərək bildirdi ki, Əmir Əlahəzrət Şeyx Təmim bin Həməd Əs-Sani və Prezident İlham Əliyevin rəhbərliyi ilə iki ölkə arasındakı əlaqələr bütün sahələrdə, o cümlədən siyasi, iqtisadi və sosial sahələrdə dostluq və əməkdaşlıq tellərinin möhkəmləndirilməsi, xalqlarımız və ölkələrimiz üçün daha çox tərəqqi və firavanlığa nail olmağa yönəlməsi istiqamətində şaxələnir və əzmlə inkişaf etdirilir. Qətər Dövləti siyasi, iqtisadi və mədəni əlaqələri inkişaf etdirməklə, ticarət mübadiləsini və investisiya imkanlarını asanlaşdırmaqla Azərbaycan Respublikası ilə əlaqələri gücləndirməyə çalışır.
